ချွေးအလွန်အကျွံထွက်ခြင်းကြောင့် ဖြစ်တတ်သော ကျန်းမာရေးပြဿနာများ
ချွေးအလွန်အကျွံထွက်ခြင်းကို (hyperhidrosis) ဟုသိကြပြီး၊ ၎င်းသည်အမျိုးမျိုးသော ကျန်းမာရေးပြဿနာများနှင့် နောက်ဆက်တွဲကျန်းမာရေးပြဿနာများကို ဖြစ်ပေါ်စေနိုင်ပါသည်။ ထို့ကြောင့် ချွေးအလွန်အကျွံ ထွက်ခြင်းကြောင့် ဖြစ်ပေါ်လာနိုင်သောကျန်းမာရေးပြဿနာများကို ဗဟုသုတအလို့ငှာဖေါ်ပြပေးလိုက်ပါသည်ခင်ဗျာ။
ရေဓာတ်ခန်းခြောက်ခြင်း- ချွေးအလွန်အကျွံထွက်ခြင်းသည် အထူးသဖြင့် ချွေးထွက်ပြီးဆုံးရှုံးသွားသော အရည် များကို လုံလောက်စွာအစားထိုးမရပါက ရေဓာတ်ခန်းခြောက်သွားနိုင်ပါသည်။ ရေဓာတ်ခမ်းခြောက်ခြင်းသည် မူးဝေ ခြင်း၊ ပင်ပန်းနွမ်းနယ်ခြင်းနှင့် စိတ်ရှုပ်ထွေးခြင်းစသည့် လက္ခဏာများကို ဖြစ်စေနိုင်ပြီး ပြင်းထန်သော အခြေအနေ များတွင် အသက်အန္တရာယ်ကိုပါထိခိုက်စေနိုင်ပါသည်။
Electrolyte မညီမျှခြင်း- ချွေးအလွန်အကျွံထွက်ခြင်းသည် ခန္ဓာကိုယ်အတွင်းရှိ အမျိုးမျိုးသော လုပ်ငန်းဆောင် တာများအတွက် မရှိမဖြစ်လိုအပ်သော ဆိုဒီယမ်နှင့် ပိုတက်စီယမ် ကဲ့သို့သော Electrolyte များကို ဆုံးရှုံးနိုင်ပါသည်။ Electrolyte မညီမျှခြင်းသည် ကြွက်သားများကြွက်တက်ခြင်း၊ အားနည်းခြင်း၊ နှလုံးခုန်မမှန်ခြင်းနှင့် အခြားပြင်းထန် သော နောက်ဆက်တွဲကျန်းမာရေးပြဿနာများကို ဖြစ်ပေါ်စေနိုင်ပါသည်။
အရေပြားပိုးဝင်ခြင်း- ချွေးကိုကြာရှည်စွာ ထိတွေ့ခြင်းသည် အရေပြားပေါ်ရှိ ဘက်တီးရီးယား သို့မဟုတ် မှိုများ ပေါက်ပွားမှုကိုဖြစ်စေနိုင်ပြီး အရေပြားကျန်းမာရေးပြဿနာများနှင့် အရေပြားရောင်ရမ်းခြင်းကဲ့သို့သော ရောဂါပိုး မွှားများကို ဖြစ်ပေါ်စေနိုင်ပါသည်။
Heat Rash – ချွေးအလွန်အကျွံထွက်ခြင်းကြောင့် ချွေးပြွန်ပိတ်ဆို့သွားသောအခါတွင် ဖြစ်ပေါ်တတ်သည့် အပူဖုများ (prickly heat) ကိုဖြစ်ပေါ်စေပြီး အရေပြားရောင်ရမ်းခြင်းနှင့် နီရဲခြင်းတို့ကို ဖြစ်စေနိုင်ပါသည်။ အပူဖုများသည် မသက်မသာဖြစ်စေနိုင်ပြီး ယားယံခြင်းနှင့် ရောင်ရမ်းခြင်းတို့ကို ဖြစ်စေနိုင်သည်။
ခန္ဓာကိုယ်အနံ့နံခြင်း- ချွေးသည် အနံ့အသက်မရှိသော်လည်း အရေပြားပေါ်ရှိ ဘက်တီးရီးယားများနှင့် ထိတွေ့မိ သောအခါတွင် မနှစ်မြို့ဖွယ် အနံ့အသက်ဆိုးများ ထွက်လာနိုင်ပါသည်။ ချွေးအလွန်အကျွံထွက်ခြင်းက ခန္ဓာကိုယ်အနံ့ ဆိုးကို ပိုမိုဆိုးရွားစေပြီး လူမှုရေးကိစ္စများတွင်အခက်အခဲရှိနိုင်ပါသည်။
Hyponatremia – ချွေးအလွန်အကျွံထွက်ခြင်းသည် သွေးထဲတွင် ဆိုဒီယမ်ပါဝင်မှုနည်းပါးခြင်းကြောင့် အန္တရာယ်ရှိ သော hyponatremia ဟုခေါ်သော အခြေအနေသို့ ဦးတည်သွားစေနိုင်ပြီး Hyponatremia သည် ပျို့အန်ခြင်း၊ ခေါင်း ကိုက်ခြင်း၊ စိတ်ရှုပ်ထွေးခြင်း၊ တက်ခြင်း နှင့် မေ့မြောခြင်းစသည့် လက္ခဏာများကို ဖြစ်စေနိုင်သည်။
စိတ်ပိုင်းဆိုင်ရာ ထိခိုက်မှု- ချွေးအလွန်အကျွံထွက်ခြင်းသည် လူတစ်ဦးချင်းစီအပေါ် သိသာထင်ရှားသော စိတ်ပိုင်း ဆိုင်ရာ သက်ရောက်မှုရှိနိုင်ပြီး နေ့စဉ်လုပ်ငန်းဆောင်တာများနှင့် လူမှုဆက်ဆံရေးကိုလည်း အနှောင့်အယှက်ဖြစ်စေ နိုင်ပါသည်။
အချို့သော ဆေးဘက်ဆိုင်ရာအခြေအနေများနှင့် နောက်ဆက်တွဲ ကျန်းမာရေးပြဿနာများ- ချွေးအလွန်အကျွံထွက်ခြင်းသည် နှင်းခူ၊ psoriasis နှင့် ဝက်ခြံကဲ့သို့သော အချို့သောဆေးဘက်ဆိုင်ရာ အခြေအနေများကို ပိုမိုဆိုးရွားစေနိုင်ပါသည်။ ဆီးချိုရောဂါ၊ သိုင်းရွိုက်ချို့ယွင်းခြင်း သို့မဟုတ် ဟော်မုန်းမညီမျှခြင်း ရှိသူများတွင်လည်း ရောဂါလက္ခဏာများ ပိုဆိုးလာနိုင်ပါသည်။
ချွေးအလွန်အကျွံထွက်ခြင်းကို ခံစားရပြီး ကျန်းမာရေးအပေါ် အကျိုးသက်ရောက်မှုရှိမည်ကို စိုးရိမ်ပါက၊ သင့်လျော်သော ကျန်းမာရေးစောင့်ရှောက်မှုကျွမ်းကျင်သူနှင့် တိုင်ပင်ရန်အရေးကြီးပါသည်။ ကုသမှု ရွေးချယ်မှုများတွင် ရောဂါ၏အခြေခံအကြောင်းအရင်းနှင့် ပြင်းထန်မှုပေါ်မူတည်၍ လူနေမှုပုံစံပြောင်းလဲခြင်း၊ ဆေးဝါးများ သို့မဟုတ် ဆေးကုသမှုဆိုင်ရာ လုပ်ငန်းစဉ်များပါဝင်နိုင်ကြောင်းကို ဗဟုသုတအလို့ငှာဖော်ပြပေးလိုက်ပါသည် ခင်ဗျာ။ 
Reference By; Mayo Clinic
“လူသားအားလုံးကျန်းမာစေချင်သည်ဗဟိုရ်စည်”
Phone- 01-2300631(Hot Line), 2300502 to 2300514, Ext- 4504, 4505, 4001, 4002, 4010.
Email: bahosihospital@gmail.com
Web Mail: bahosihospital@bahosihospital.com
Website: www.bahosihospital.com
အမှတ်(၁-၆)၊ (၃၁-၃၆)၊ (၃၇-၃၈)၊ ဗဟိုရ်စည်အိမ်ရာ၊ ဝါးတန်းလမ်းနှင့် ဗိုလ်ချုပ်လမ်းထောင့်၊ လမ်းမတော်မြို့နယ်၊ ရန်ကုန်မြို့။